দিল্লীৰ নতুন মুখ্যমন্ত্ৰী হ'ল ৰেখা গুপ্তা । আজি হ'ব শপতগ্ৰহণ
বুধবাৰে অৰ্থ্যাত ১৯ ফেব্ৰুৱাৰী তাৰিখে দিল্লীৰ মুখ্যমন্ত্ৰী হিচাপে নিযুক্ত হয় ৰেখা গুপ্তা। তেওঁ দীৰ্ঘদিন ধৰি ৰাজনীতিত আছে যদিও এইবাৰেই প্ৰথম বিধায়ক হিচাপে নিৰ্বাচিত হয়।
বুধবাৰে অৰ্থ্যাত ১৯ ফেব্ৰুৱাৰী তাৰিখে দিল্লীৰ মুখ্যমন্ত্ৰী হিচাপে নিযুক্ত হয় ৰেখা গুপ্তা। তেওঁ দীৰ্ঘদিন ধৰি ৰাজনীতিত আছে যদিও এইবাৰেই প্ৰথম বিধায়ক হিচাপে নিৰ্বাচিত হয়।
৫০ বছৰীয়া গুপ্তাই শেহতীয়া দিল্লী বিধানসভা নিৰ্বাচনত শালিমাৰ বাগ সমষ্টিৰ পৰা প্ৰায় ৩০,০০০ ভোটৰ ব্যৱধানত নিৰ্ণায়ক জয় লাভ কৰে। তেওঁ "কাম হি পেহচান" (মোৰ কাম মোৰ পৰিচয়) নামৰ শ্লোগানৰ ওপৰত আধাৰিত কৰি তেওঁৰ ৰাজনৈতিক পৰিচয় নিৰ্মাণ কৰিছে। ১৯৯৬-৯৭ চনত দিল্লী বিশ্ববিদ্যালয় ছাত্ৰ সন্থাৰ (ডিইউএছইউ) তেওঁ সভাপতি হৈছিল আৰু তেতিয়াৰ পৰাই তেওঁ ৰাজনৈতিক জীৱনৰ পাতনি মেলিচিল।
আজি শপত গ্ৰহণ কৰিব ৰেখা গুপ্তাই ৷ ৰাষ্ট্ৰীয় ৰাজধানীৰ ৰামলীলা ময়দানত অনুষ্ঠিত এক অনুষ্ঠানত ৰেখা গুপ্তাই মুখ্যমন্ত্ৰী হিচাপে শপত গ্ৰহণ কৰিব । তেওঁ হ’ব দিল্লীৰ চতুৰ্থগৰাকী মহিলা মুখ্যমন্ত্ৰী । ইয়াৰ পূৰ্বে সুষমা স্বৰাজ, শীলা দীক্ষিত আৰু আতিশী দিল্লীৰ মুখ্যমন্ত্ৰী হিচাপে কাৰ্যনিৰ্বাহ কৰি আহিছে । তেওঁ বৰ্তমান বিজেপি শাসিত প্ৰদেশৰ একমাত্ৰ আৰু পশ্চিমবংগৰ মুখ্যমন্ত্ৰী মমতা বেনাৰ্জীৰ পাছত দেশৰ দ্বিতীয়গৰাকী মহিলা মুখ্যমন্ত্ৰী । উপ মুখ্যমন্ত্ৰী হিচাপে শপত ল’ব পৰৱেশ বাৰ্মাই ৷ প্ৰায় ২৭ বছৰৰ পাছত বিজেপি দলে দিল্লীত চৰকাৰ গঠন কৰিব । এই শপত গ্ৰহণ অনুষ্ঠানৰ বাবে বিজেপি শাসিত সকলো ৰাজ্যৰ মুখ্যমন্ত্রী, উপ-মুখ্যমন্ত্রী আৰু এন ডি এত অন্তর্ভুক্ত দলৰ নেতাসকলক আমন্ত্রণ জনোৱা হৈছে ৷ ইয়াৰ উপৰিও দিল্লীৰ সকলো শ্ৰেণীৰ লোককো শপতগ্ৰহণ অনুষ্ঠানলৈ আমন্ত্ৰণ জনোৱা হৈছে । প্ৰায় ৩০ হাজাৰ লোকে শপতগ্ৰহণ অনুষ্ঠানত অংশগ্ৰহণ কৰিব। এই অনুষ্ঠানত অংশগ্ৰহণ কৰা প্ৰায় ১৫০ জন বিশেষ অতিথিৰ বাবে এটা সুকীয়া মঞ্চ নিৰ্মাণ কৰা হৈছে । মূল মঞ্চখন প্ৰায় ৪০ ফুট দীঘল আৰু ২৪ ফুট বহল হ’ব । সমান্তৰালভাৱে অনুষ্ঠানত অংশগ্ৰহণ কৰা বিশেষ অতিথিসকলৰ বাবে নিৰ্মাণ কৰা মঞ্চখন ৪০ ফুট দীঘল আৰু ৩৪ ফুট বহল হ’ব । লোকনিৰ্মাণ বিভাগে ৰামলীলা ময়দানত প্ৰৱেশৰ বাবে প্ৰায় দহটা প্ৰৱেশদ্বাৰ নিৰ্মাণ কৰি আছে, য’ত অৰুণা আছাফ আলী পথৰ পৰা ভি আই পি অতিথিসকলে প্ৰৱেশ কৰিব।
What's Your Reaction?
