মেঘালয়ত ধাৰাসাৰ বৰষুণ, শিলাবৃষ্টিৰ ফলত বিদ্যুৎ ব্যৱস্থাত ব্যাঘাত জন্মিছে

মেঘালয় আৰু ইয়াৰ চুবুৰীয়া অঞ্চলসমূহত দেওবাৰে আবেলি ধাৰাসাৰ বৰষুণ, শিলাবৃষ্টি আৰু ঘূৰ্ণী বতাহৰ ফলত বৃহৎ পৰিমাণৰ ব্যাঘাত জন্মে।

ধুমুহাত বৈদ্যুতিক তাঁৰ আৰু গছৰ ডাল বোৰ খহি পৰাৰ ফলত কেইবাটাও এলেকা অন্ধকাৰময় হোৱা দেখা যায় আৰু তাৰে পৰিপ্ৰেক্ষিতত জনসাধাৰণৰ বহুতো সমস্যাৰ সৃষ্টি হয়।

শিলাবৃষ্টিৰ ফলত শ্বিলং, মাৱিয়াং আৰু উমিয়ামৰ অঞ্চলবোৰ অধিক শীতকালীন অঞ্চললৈ ৰুপান্তৰিত হয়, ৰাস্তা পদুলি আৰু ঘৰৰ ছাদবোৰ শিলাবৃষ্টিৰে আৱৰি থকা দেখা যায়। হঠাৎ এই বতৰৰ পৰিৱৰ্তনে আৱাসীসকলক স্তম্ভিত কৰি তুলিছিল।

ধুমুহাৰ প্ৰভাৱ বিশেষকৈ মাওলাইৰ এফচিআই ৰোডত দেখা পোৱা গৈছিল কিয়নো এই অঞ্চলটোত বৈদ্যুতিক তাৰ অথবা খুটা ভাগি পৰিছিল, যাৰ ফলত মাওলাই মাওৰোহ, নংমালি, মাওলাই পাটা আৰু কিণ্টন মাছাৰকে ধৰি কেইবাটাও অঞ্চলত বিদ্যুৎ বিকল হৈ পৰে।

 ভাৰতীয় বতৰ বিজ্ঞান বিভাগে অহা কেইদিনমানৰ বাবে মেঘালয়ত ব্যাপক বৰষুণ, বজ্ৰপাত আৰু ধুমুহা বতাহৰ সম্ভাৱনা থকা বুলি সকিয়নি দিছে। বতাহৰ গতি বেগ ৩০-৪০ কি.মি/ঘন্টাত । অহা ৪ দিনলৈ মেঘালয়কে ধৰি অসম, নাগালেণ্ড, মণিপুৰ, মিজোৰাম আৰু ত্ৰিপুৰাতো ইয়াৰ প্ৰভাৱ পৰাৰ সম্ভাৱনা আছে।

উল্লেখযোগ্য যে প্ৰশাসনে জনসাধাৰণক সম্ভাব্য বতৰৰ বাবে সতৰ্ক হৈ থাকিবলৈ আৰু উপযুক্ত ব্যৱস্থা ল'বলৈ নিৰ্দেশ দিছে।