গুৱাহাটী হাইক'ৰ্ট বাৰ এছ'চিয়েচনৰ পৰা পদত্যাগ দেৱজিৎ শইকীয়াৰ

গুৱাহাটী হাইক'ৰ্ট বাৰ এছ'চিয়েচনৰ পৰা পদত্যাগ কৰিছে অসম চৰকাৰৰ মহাধিবক্তা দেৱজিৎ শইকীয়াই। গুৱাহাটী হাইক'ৰ্ট স্থানান্তৰৰ ক্ষেত্ৰত বাৰ এছ'চিয়েচনৰ পক্ষত থাকিব নোৱৰাৰ বাবেই পদত্যাগ কৰিছে মহাধিবক্তাগৰাকীয়ে।

 ভাৰতীয় ক্ৰিকেট নিয়ন্ত্ৰণ ব'ৰ্ডৰ সম্পাদক দেৱজিৎ শইকীয়াই ২৮ মাৰ্চত বাৰ এছ'চিয়েশ্যনৰ সভাপতি কমল নয়ন চৌধুৰীৰ ওচৰত পদত্যাগ পত্ৰ দাখিল কৰে।

পদত্যাগ পত্ৰখনত পদত্যাগৰ কাৰণ দর্শাই মহাধিবক্তাগৰাকীয়ে কয়- 'গুৱাহাটী হাইক'ট স্থানান্তৰৰ ক্ষেত্ৰত চৰকাৰৰ নীতিৰ পক্ষত মই থাকিবলৈ বাধ্য। মহাধিবক্তা হিচাপে চৰকাৰৰ ন্যায়ালয় স্থানান্তৰৰ নীতিৰ পক্ষত মই থাকিব লাগিব।' গতিকে এই ক্ষেত্রত বাৰ এছ'চিয়েচনৰ সদস্য হিচাপে থাকিলে কিছু অসুবিধা হ'ব বুলিও মহাধিবক্তাগৰাকীয়ে কয়। প্ৰস্তাৱিত স্থানটোৱে নতুন প্ৰজন্ম আৰু আগন্তুক অধিবক্তাসকলক এক উন্নত কামৰ পৰিৱেশ প্ৰদান কৰিব আৰু লগতে সকলো বিদ্যমান ত্ৰুটি হ্ৰাস কৰিব, এই পদক্ষেপে যান-জঁট হ্ৰাস কৰিব, আধুনিক আন্তঃগাঁথনি প্ৰদান কৰিব আৰু ন্যায়িক দক্ষতা বৃদ্ধি কৰিব। 

       তেওঁ‌ তিনি দশকতকৈও অধিক আইনী অনুশীলন থকা এজন জ্যেষ্ঠ অধিবক্তা, তেওঁক ২০২১ চনত অসমৰ এডভোকেট জেনেৰেল হিচাপে নিযুক্ত কৰা হৈছিল।