ভাৰতে জয়লাভ কৰাৰ পিছত আই আই টিয়ান(IITian) বাবা ওৰফে অভয় সিংৰ দেশবাসীলৈ ক্ষমা ভিক্ষা

      মিছা প্ৰমাণিত হ'ল আই আইটিয়ান (IITian) বাবাৰ ভৱিষ্যতবাণী। ভাইৰেল আই আই টিয়ান বাবাই ভৱিষ্যতবাণী কৰিছিল যে, চেম্পিয়নছ ট্ৰফীত পাকিস্তানৰ বিৰুদ্ধে ভাৰতে পৰাজয়বৰণ কৰিব । কিন্তু মিছা প্ৰমাণিত হ'ল বাবাৰ ভৱিষ্যতবাণী। আই আই টিয়ান বাবাই অতি আত্মবিশ্বাসেৰে ঘোষণা কৰা এই ভৱিষ্যতবাণী দেশজুৰি ভাইৰেল হৈ পৰিছিল।

      ডুবাইত অনুস্থিত হোৱা ভাৰত বনাম পাকিস্তানৰ এই  ক্ৰিকেট মেচত টীম ইণ্ডিয়াই আই আই টিয়ান বাবাৰ এই ভৱিষ্যতবাণী চাৰখাৰ কৰিলে। এতিয়া দেশজুৰি বাবাক লৈ তীব্ৰ প্ৰতিক্ৰিয়াৰ সৃষ্টি হোৱাৰ পাছতে ক্ষমা খুজিছে বাবাই। অভয় সিং অৰ্থ্যাত আই আই টিয়ান বাবায় কয় যে, 'মই ৰাজহুৱাভাৱে ক্ষমা বিচাৰিছো। এই মূৰ্হুতত ভাৰতৰ এই জয় সকলোৱে উদযাপন কৰিব লাগে। অৱশ্যে মোৰ মনে কৈছিল যে ভাৰতে জয়লাভ কৰিব। আই আই টিয়ান বাবাৰ এই প্ৰতিক্ৰিয়াৰ পাছতে এতিয়া পুনৰ বাবাক কটাক্ষ কৰিছে একাংশই। 

         উল্লেখযোগ্য যে অভয় সিংয়ে এক সন্মানীয় অভিযান্ত্ৰিক কেৰিয়াৰৰ পৰা আধ্যাত্মিক জীৱনলৈ পৰিৱৰ্তনৰ পিছত 'আইআইটি বাবা' হিচাপে পৰিচিত হৈছিল প্ৰয়াগৰাজত চলি থকা মহা কুম্ভ মেলাত।