প্ৰধানমন্ত্ৰী মোডীৰ ভ্ৰমণৰ পূৰ্বে অসমৰ মুখ্যমন্ত্ৰীয়ে কৃষকসকলৰ বাবে ৪৭৫ কোটি টকাৰ সাহায্য ঘোষণা কৰে

২৪ ফেব্ৰুৱাৰী অৰ্থ্যাত সোমবাৰে অসমৰ মুখ্যমন্ত্ৰী হিমন্ত বিশ্ব শৰ্মাই ঘোষণা কৰে যে কেন্দ্ৰীয় চৰকাৰে অসমত ২০.৮৭ লাখ কৃষকক ৪৭৫ কোটি টকা প্ৰদান কৰিছে। এই শেহতীয়া আৱণ্টন পূৰ্বৱৰ্তী কিস্তিতকৈ ১০ শতাংশ অধিক।

প্ৰধানমন্ত্ৰী কিষাণ সন্মান নিধিৰ (পিএম-কিষাণ) ১৯ তম কিস্তি একেদিনাই বিহাৰৰ ভাগলপুৰত মুকলি কৰি দিয়া হয়। মুঠ ২২,০০০ কোটি টকাৰ সমগ্ৰ ভাৰতৰ ৯.৭ কোটি কৃষক উপকৃত হব।

         প্ৰধানমন্ত্ৰী নৰেন্দ্ৰ মোদীয়ে তিনিখন ৰাজ্যিক ভ্ৰমণৰ অংশ হিচাপে ভূপালত বিশ্ব বিনিয়োগ সন্মিলনৰ উদ্বোধনৰ পিছত সোমবাৰে অসম ভ্ৰমণ কৰে।

প্ৰধানমন্ত্ৰীয়ে এক্স(X, পূৰ্বৰ টুইটাৰ) ত লিখিছিল যে এই পদক্ষেপে কৃষকসকলক "সন্মান, সমৃদ্ধি আৰু নতুন শক্তি" প্ৰদান কৰিছে আৰু কৃষি খণ্ডৰ দ্ৰুত বিকাশ হৈছে আৰু লগতে কয় যে লাখ লাখ ক্ষুদ্ৰ কৃষকক আগবঢ়োৱা এই বিত্তীয় সাহায্যই বজাৰলৈ তেওঁলোকৰ প্ৰৱেশাধিকাৰ বৃদ্ধিত সহায় কৰিছে আৰু ব্যয় হ্ৰাস কৰি তেওঁলোকৰ উপাৰ্জন বৃদ্ধি কৰিছে।

         পিএম-কিছান আঁচনিয়ে যোগ্য কৃষক পৰিয়ালবোৰক বাৰ্ষিক 6,000 টকাৰ বিত্তীয় সাহায্য প্ৰদান কৰে, প্ৰতিটো কিস্তিত 2,000 টকাকৈ তিনিটা  কিস্তিত বিতৰণ কৰা হয় আৰু প্ৰতি চাৰি মাহৰ অন্তত তেওঁলোকৰ বেংক একাউণ্টত পোনপটীয়াকৈ জমা কৰা হয়।