ছয় মাইল ফ্লাইঅভাৰৰ তলত সংঘটিত হিট এণ্ড ৰান দুৰ্ঘটনাত পথচাৰী গুৰুতৰভাৱে আহত

২৫ ফেব্ৰুৱাৰী, মঙলবাৰে নিশা গুৱাহাটীৰ ছয় মাইল উৰণীয়া সেঁতুৰ তলত এটা হিট এণ্ড ৰাণৰ ঘটনা সংঘটিত হয়, যাৰ ফলত এজন পথচাৰী আহত হয়। প্ৰত্যক্ষদৰ্শীৰ মতে, এখন গাড়ী ভুল দিশৰ পৰা দ্ৰুত গতিত গৈ আছিল আৰু বাহন খনে অন্য দুখন বাহনকো খুন্দা মাৰিছিল, যাৰ ফলত গুৰুত্বপূৰ্ণ ক্ষতি হৈছিল। উল্লেখযোগ্য যে বাহনখনে পথচাৰিজনক খুন্দা মৰাৰ পূৰ্বে এখন ৰখাই থোৱা স্কুটাৰকো খুন্দা মাৰিছিল। পথচাৰিজনে ভৰিত গুৰুতৰ ভাৱে আঘাত পাইছিল আৰু স্থানীয় লোকে ততাটয়াকৈ ব্যক্তিজনক জৰুৰী চিকিৎসাৰ বাবে চিকিৎসালয়লৈ লৈ যায়। 

            দুৰ্ঘটনাটোৰ লগে লগে গাড়ীখনৰ চালকজনে ঘটনাস্থলীৰ পৰা পলায়ন কৰিছিল। দূৰ্ঘটনা ঘটোৱা বাহনখনৰ ভিতৰত সুৰাৰ বটল প্ৰতক্ষ্য কৰা হৈছিল, যাৰ ফলত দুৰ্ঘটনাৰ সময়ত চালকজন নিচাসক্ত হৈ আছিল বুলি সন্দেহ কৰা গৈছে।

প্ৰত্যক্ষদৰ্শীৰ মতে দুৰ্ঘটনাটো সুৰাপান কৰি তথা ভূল পথেৰে অহা বাবে দূৰ্ঘটনাটো সংঘটিত হবলৈ পালে বুলি মন্তব্য প্ৰকাশ কৰে। ঘটনাস্থলীত আৰক্ষী সোনকালেই উপস্থিত হৈছিল আৰু তদন্ত আৰম্ভ কৰিছিল।