মেঘালয়ত ভাৰতৰ দশম দীৰ্ঘতম গুহা আৱিষ্কাৰ

মেঘালয়ত বিশাল ভূগৰ্ভস্থ সংলগ্ন গুহা উদ্বাৰ। ভাৰতবৰ্সৰ বৰ্তমান সময়ৰ দশম দীঘল গুহা আৰু নৱম দীঘল চুনাপাথৰৰ গুহা হিচাপে চিনাক্তকৰণ কৰা হৈছে। নামাকৰণ হিচাপে লুংচুং খুৰ গুহাটোৰ দৈৰ্ঘ্য ১৩,৬১৮ মিটাৰ।

২ ৰ পৰা ২৮ ফেব্ৰুৱাৰীলৈ অনুষ্ঠিত ক্লাউডচ এক্সপিডিচন ২০২৫ ৰ আৱাসত কেভিংৰ সময়ত প্ৰাচীন গাঁথনিটো আৱিষ্কাৰ কৰা হৈছিল। মেঘালয় এডভেঞ্চাৰাৰ এছ'চিয়েশ্যনে (MAA) এটা আন্তৰ্জাতিক দলৰ সহযোগত এই অভিযানটো পৰিচালনা কৰিছিল।

অভিযানৰ সময়ত ২২,৬৬৩ মিটাৰ আগতে অন্বেষণ নকৰা গুহা পথবোৰ সফলতাৰে জোখা হৈছিল যিয়ে বাইৰোং, জংৰিয়া আৰু মুয়ালিয়ান স্পাৰৰ চুনাপাথৰৰ গুহা প্ৰণালীৰ ওপৰত গুৰুত্ব আৰোপ কৰিছিল।

        লুংচুং খুৰ মুয়ালিয়ান স্পাৰৰ তলত অৱস্থিত আৰু ইয়াত বৃহৎ ভূগৰ্ভস্থ পথ আছে। ইয়াৰে কিছুমান পথৰ প্ৰস্থ আৰু উচ্চতা ৩০ মিটাৰ পৰ্যন্ত।

অন্বেষণকাৰীসকলে পূব খাচী পাহাৰৰ ৱাহলঙৰ বাইৰং অঞ্চলত আঠটা গুহা বিচাৰি পোৱা বুলি জনিব পৰা গৈছে আৰু জানিব পৰা মতে ৬,২১০ মিটাৰ নতুন গুহা পথ উদ্ঘাটিত হৈছে। ক্ৰেম ৰিবলাই (১,৯৭৩ মিটাৰ), ক্ৰেম খলা (১,৫২১ মিটাৰ), আৰু ক্ৰেম ৱালাং (১,৩৯৩ মিটাৰ) গুৰুত্বপূৰ্ণ ফলাফলৰ ভিতৰত আছিল।

জংৰিয়া গাঁৱত অধিক অন্বেষণৰ ফলত পংকোলোই নদী অঞ্চলৰ ২৭ টা গুহা উন্মোচন কৰা হয়, যাক খাংবান নদী উপত্যকা আৰু লিটাং অৱবাহিকা বুলি জনা যায়।

কেনিয়ন চিংক (৯৩৮ মিটাৰ), লিজাৰ্ড স্প্লাট, হানিকম্ব গুহা, আৰু ক্ৰেম চোহ শ্ৰীহ প্ৰণালীও আন কিছুমান উল্লেখযোগ্য গুহা আছিল। এই গুৰুত্বপূৰ্ণ ফলাফলবোৰৰ ফলত ৮ ৰ পৰা ২৬ মিটাৰ গভীৰতাৰ সৈতে নতুনকৈ আৱিষ্কৃত ১৩ টা এন্ধাৰ দোৱাৰ দেখিবলৈ পোৱা গৈছিল।