এডভাণ্টেজ অসম ২.০ (Advantage Assam 2.O) লৈ আৰু মাজত মাত্ৰ দুটা দিন

ৰাজ্যৰ সৰ্ববৃহৎ বিনিয়োগ সন্মিলন এডভাণ্টেজ অসম ২.০ লৈ মাজত মাত্ৰ দুটা দিন ৷ অহা ২৫ আৰু ২৬ ফেব্ৰুৱাৰীত দেশ-বিদেশৰ বিনিয়োগকাৰীয়ে আহি উপস্থিত হ'বহি গুৱাহাটীস্থিত খানাপাৰাত ৷ উপস্থিত থাকিব প্ৰধানমন্ত্ৰী নৰেন্দ্ৰ মোদী, নোৱেল টাটা, আম্বানি-আদানিকে ধৰি দেশৰ ১০ গৰাকী শীৰ্ষ উদ্যোগপতি আৰু আশা কৰা মতে প্ৰায় ১.২২ লাখ কোটি টকাতকৈ অধিক বিনিয়োগ হ’ব এডভাণ্টেজ অসম ২.০ ৷ মুখ্যমন্ত্ৰীৰ লগতে অসম চৰকাৰো এডভাণ্টেজ অসম ২.০ লৈ সাজু ৷ আজি মুখ্যমন্ত্ৰী ড° হিমন্ত বিশ্ব শৰ্মাই সাংবাদিকৰ আগত কয় যে ‘মই আশা কৰো এডভাণ্টেজ আছামৰ অসমত ৰিলায়েন্সৰ অধ্যক্ষ মুকেশ ধীৰুভাই আম্বানীকে ধৰি বহুকেইজন উদ্যোগপতি অসমলৈ আহিব, আমি প্ৰায় ১.২ লাখ কোটি টকাতকৈও অধিক বিনিয়োগ লাভ কৰিবলৈ সক্ষম হম বুলি আশাবাদী ৷ শৰ্মাই কয় যে ইয়াত এডভাণ্টেজ অসম ২.০ বিনিয়োগ আৰু আন্তঃগাঁথনি সন্মিলনৰ সময়ত স্বাক্ষৰিত হ'বলগীয়া সকলো বুজাবুজি চুক্তি মন্ত্ৰী পৰিষদৰ দ্বাৰা সঠিকভাৱে পৰীক্ষা কৰা হ'ব আৰু তাৰ পিছত অনুমোদন জনোৱা হ'ব বুলি সিদ্ধান্ত লোৱা হৈছে।

           অনুষ্ঠানটো প্ৰধানমন্ত্ৰী নৰেন্দ্ৰ মোদীয়ে উদ্বোধন কৰিব আৰু ইয়াত মুকেশ আম্বানী, গৌতম আদানিৰ দৰে উদ্যোগপতি, বিভিন্ন কেন্দ্ৰীয় মন্ত্ৰী আৰু নেতা উপস্থিত থাকিব। দুদিনীয়া অনুষ্ঠানটোত ভাৰতৰ শীৰ্ষ উদ্যোগপতিসকলৰ সৈতে কেইবাখনো দেশৰ ৰাষ্ট্ৰদূত আৰু ব্যৱসায়িক প্ৰতিনিধি দল উপস্থিত থাকিব বুলি আশা কৰা হৈছে।     

          প্ৰধানমন্ত্ৰী মোদীয়ে ২৫ ফেব্ৰুৱাৰী তাৰিখে দুদিনীয়া এডভাণ্টেজ অসম ২.০ বিনিয়োগ আৰু আন্তঃগাঁথনি সন্মিলন উদ্বোধন কৰিব। অনুষ্ঠানটো ২৫-২৬ ফেব্ৰুৱাৰী তাৰিখে গুৱাহাটীৰ খানাপাৰাৰ পশু চিকিৎসা মহাবিদ্যালয়ত অনুষ্ঠিত হ'ব।

           ইফালে বিনিয়োগ সন্মিলন অনুষ্ঠিত হ’বলগীয়া খানাপাৰাৰ পশু চিকিৎসা মহাবিদ্যালয় খেলপথাৰত নিৰাপত্তা ব্যৱস্থা কটকটীয়া কৰি তোলা হৈছে ৷ আৰক্ষী-চি আৰ পি এফৰ লগতে খেলপথাৰত নিৰাপত্তা ব্যৱস্থা তদাৰক কৰিবৰ বাবে ভাৰতীয় সেনাকো নিয়োজিত কৰা হৈছে ৷ সেনাই শ্নিফাৰ ডগ লৈ খানাপাৰা ফিল্ডত তন্ন তন্নকৈ পৰীক্ষা কৰিছে ৷ নাৰেংগীৰ সেনা বাহিনীৰ বোমা নিস্ক্ৰীয় গোটক বিশেষভাৱে খানাপাৰা খেলপথাৰৰ ভি ভি আই পিৰ নিৰাপত্তা ব্যৱস্থাত নিয়োজিত কৰা হৈছে।