চেম্পিয়নছ ট্ৰফী জয়ৰ বাবে বিচিচিআইয়ে টীম ইণ্ডিয়াক প্ৰদান কৰিলে নগদ ৫৮ কোটি টকাৰ পুৰস্কাৰ

আই চি চি (ICC) চেম্পিয়নছ ট্ৰফীত ভাৰতীয় দলৰ বিজয়ে তেওঁলোকক ভাৰতীয় ক্ৰিকেট নিয়ন্ত্ৰণ ব'ৰ্ডৰ (BCCI) পৰা ৫৮ কোটি টকাৰ এক বৃহৎ পুৰস্কাৰ অৰ্জন কৰিছে।

আইচিচি চেম্পিয়নছ ট্ৰফী ২০২৫ত জয়লাভ কৰাৰ পিছত ভাৰতীয় ক্ৰিকেট নিয়ন্ত্ৰণ ব'ৰ্ডে টীম ইণ্ডিয়াৰ বাবে ৫৮ কোটি টকাৰ নগদ পুৰস্কাৰ ঘোষণা কৰি আনন্দিত হৈছে। বিচিচিআই য়ে এক বিবৃতিত কয় যে এই বিত্তীয় স্বীকৃতিয়ে খেলুৱৈ, প্ৰশিক্ষণ আৰু সহায়ক কৰ্মচাৰী আৰু পুৰুষ বাছনি সমিতিৰ সদস্যসকলক উৎসাহিত কৰিব। 

উল্লেখযোগ্য যে ভাৰতে ৯ মাৰ্চত ডুবাই আন্তঃৰাষ্ট্ৰীয় ক্ৰিকেট ষ্টেডিয়ামত অনুষ্ঠিত ফাইনেলত নিউজিলেণ্ডক চাৰি উইকেটত পৰাস্ত কৰি তেওঁলোকে তৃতীয়বাৰলৈ চেম্পিয়নছ ট্ৰফী বিজয় অৰ্জন কৰে।

জানিব পৰা ম'তে ১৫ জনীয়া দলৰ প্ৰতিজন খেলুৱৈয়ে বিচিচিআইৰ পৰা ৩ কোটিকৈ টকা লাভ কৰিব। ইয়াৰ উপৰিও, বিচিচিআইয়ে সিদ্ধান্ত লৈছে যে ২০২৫ চনৰ চেম্পিয়নছ ট্ৰফী (২০ কোটি টকা) জিকাৰ বাবে সমগ্ৰ আইচিচি পুৰস্কাৰৰ ধন কেৱল টীম ইণ্ডিয়াৰ খেলুৱৈসকলৰ মাজত ভাগ-বতৰা কৰিব।

বিচিচিআইৰ সভাপতি ৰজাৰ বিন্নীয়ে প্ৰেছ বিজ্ঞপ্তিত উদ্ধৃতি দি কয়, "আইচিচিৰ খিতাপ জয় কৰাটো বিশেষ আৰু এই পুৰষ্কাৰে বিশ্বৰ মঞ্চত টীম ইণ্ডিয়াৰ নিষ্ঠা আৰু উৎকৰ্ষতাক স্বীকৃতি দিয়ে।এই নগদ ধনৰ বঁটাটো হৈছে সকলোৱে কৰা কঠোৰ পৰিশ্ৰমৰ স্বীকৃতি। আইচিচি অনুৰ্ধ-১৯ মহিলা বিশ্বকাপ জয়ৰ পিছত ২০২৫ চনত এইটো আমাৰ দ্বিতীয় আইচিচি ট্ৰফী আছিল আৰু ই আমাৰ দেশত শক্তিশালী ক্ৰিকেট পৰিস্থিতিৰ ওপৰত আলোকপাত কৰে,"।

অন্যহাতে ভাৰতৰ মুখ্য প্ৰশিক্ষক গৌতম গম্ভীৰেও খেলুৱৈসকলৰ সমান পৰিমাণৰ ৩ কোটি টকা লাভ কৰিব, সহায়ক কৰ্মচাৰীৰ প্ৰতিজন সদস্যই চেম্পিয়নছ ট্ৰফী দখল কৰাৰ বাবে বিচিচিআইৰ পৰা ৫০ লাখ টকা লাভ কৰিব।

ভাৰতৰ মুখ্য নিৰ্বাচক অজিত আগৰকাৰে 30 লাখ টকা লাভ কৰিব, আনহাতে বাকী চাৰিজন ৰাষ্ট্ৰীয় নিৰ্বাচকে 25 লাখ টকাকৈ লাভ কৰিব। ডুবাইত টীম ইণ্ডিয়াৰ দলৰ অংশ হৈ থকা বিচিচিআই কৰ্মচাৰীৰ সদস্যসকলৰ প্ৰত্যেকে 25 লাখ টকা কৈ লাভ কৰিব।