৭.৭ প্ৰাবল্যৰ ভূমিকম্পই জোকাৰিলে ম্যানমাৰক। ভাৰতৰ লগতে অন্যান্য অঞ্চলত অনুভৱ কৰা গ'ল কম্পন

শুকুৰবাৰে ৭.৭ প্ৰাবল্যৰ ভূমিকম্পই ম্যানমাৰক জোকাৰি যায়, গুৱাহাটী আৰু ভাৰতৰ অন্যান্য উত্তৰ-পূব অঞ্চলত কম্পন অনুভৱ কৰা হয়। দিল্লী-এনচিআৰতো কম্পন অনুভৱ কৰা হৈছিল। বাংলাদেশ, ভাৰত, লাওছ, ম্যানমাৰ (বাৰ্মা), থাইলেণ্ড আৰু চীনো কম্পনৰ দ্বাৰা প্ৰভাৱিত হৈছিল।

আমেৰিকা যুক্তৰাষ্ট্ৰৰ ভূতাত্ত্বিক জৰীপ অনুসৰি পুৱা প্ৰায় ১১:৫০ বজাত ভূমিকম্পটো সংঘটিত হয় আৰু পুৱা ১১:৫৩ বজাত কম্পন হোৱাৰ খবৰ পোৱা গৈছে। কেন্দ্ৰস্থলটো ম্যানমাৰৰ (বাৰ্মা) চাগাইঙৰ পৰা ১২ কিলোমিটাৰ দূৰত উৎপত্তি হৈছিল।

 থাইলেণ্ডৰ বেংককত ভূমিকম্পৰ তীব্ৰ জোকাৰণি অনুভৱ কৰা হয় আৰু লগতে যথেষ্ট পৰিমাণৰ ক্ষয় ক্ষতিৰো আশংকা কৰা হৈছে। ছ'চিয়েল মিডিয়াত বহুত ভয়ংকৰ ভিডিঅ দেখিবলৈ পোৱা গৈছে য'ত নিৰ্মাণাধীন অট্টালিকা ভাঙি পৰিছে যাৰ ফলত ওচৰৰ মানুহ সংকিট হৈ সুৰক্ষিত স্থানলৈ যোৱা দেখিবলৈ পোৱা যায়।

থাইলেণ্ডৰ প্ৰধানমন্ত্ৰী পেটংটাৰ্ণ চিনাৱাট্ৰাই দেশজুৰি সতৰ্কবাণী জাৰি কৰিছে আৰু বেংককত জৰুৰীকালীন অৱস্থা ঘোষণা কৰিছে। তেওঁ ৰাইজক সাম্ভাব্য ভূমিকম্পৰ পিছত হোৱা বিপদাসংকাৰ বাবে সতৰ্ক হৈ থাকিবলৈ আহ্বান জনাইছে, কিয়নো ভূমিকম্পৰ ঠিক পিছতে সচৰাচৰ পুনৰ ভূমিকম্প অহা দেখা যায়। চৰকাৰে মানুহক সুৰক্ষা দিবলৈ তাৎক্ষণিক পদক্ষেপ লৈছে।

অন্যহাতে ভাৰতৰ মেঘালয়তো ৪.০ প্ৰাবল্যৰ ভূমিকম্পই জোকাৰণিৰ ফলত মৃদু কম্পন অনুভৱ কৰা হৈছিল আৰু ভূমিকম্পটোৰ কেন্দ্ৰস্থল আছিল পূব গাৰো পাহাৰ।