বহাগ বিহুৰ প্ৰাকক্ষণত অসমবাসীলৈ সু খবৰ। অসমীয়া গহণাই পালে জি আই টেগ(GI Tag)

অসমলৈ আন এক সুখৰ বতৰা। ব’হাগ বিহুৰ পূৰ্বে অসমবাসীলৈ আহিল এই ভাল খবৰ। অসমীয়া গহণাই লাভ কৰিলে জি আই (GI Tag) টেগ।

অসমীয়া ঐতিহ্য-সংস্কৃতিৰ সৈতে অঙ্গাঙ্গীভাবে জড়িত অসমীয়া গহনাক প্রদান কৰা হৈছে ভৌগোলিক সূচকাংক অর্থাৎ জি আই টেগ (GI Tag)ৰ স্বীকৃতি।

বহুদিনীয়া সংগ্ৰামৰ ফলত অসমীয়া গহণাই লাভ কৰিলে জি আই টেগ ৷  এই সুখবৰটো সামাজিক মাধ্যমৰ জৰিয়তে মুখ্যমন্ত্ৰী ড৹ হিমন্ত বিশ্ব শৰ্মাই সদৰী কৰে আৰু লগতে অসমবাসীক অভিনন্দন জনাই ৷ তেওঁ‌ কয় যে, ‘‘অসমলৈ এক সুখৰ বতৰা কঢ়িয়াই আনিছে অসমীয়া গহনাই । আমাৰ ঐতিহ্য-সংস্কৃতিৰ সৈতে অংগাংগীভাৱে জড়িত অসমীয়া গহনাক প্রদান কৰা হৈছে ভৌগোলিক সূচাংক অর্থাৎ জি আই টেগৰ স্বীকৃতি । মোৰ আজিও মনত আছে ২০১৮-১৯ বর্ষৰ বাজেট উত্থাপনত আমাৰ শিল্পীসকলৰ সুৰক্ষা আৰু স্বীকৃতিৰ প্রতি লক্ষ্য ৰাখি ইয়াৰ বাবে আমি প্রস্তাৱ গ্রহণ কৰিছিলো । আমাৰ এই প্রস্তাৱে আজি ন্যায্যতা পোৱাত সুখী অনুভৱ কৰিছো’’ ।

অসমীয়া গহনা উদ্যোগৰ সৈতে জড়িত আটাইলৈ তথা অসমবাসীলৈ এই গৌৰৱময় মুহূর্তত আন্তৰিক অভিনন্দন জ্ঞাপন কৰিছো’।

বহিঃৰাজ্যৰ পৰা আমদানিকৃত নকল অসমীয়া গহনাৰ পয়োভৰ ৰোধৰ ক্ষেত্ৰত এই সিদ্ধান্তই এতিয়াৰে পৰা গুৰুত্বপূৰ্ণ ভূমিকা পালন কৰিব৷ অসমীয়া গহনাক জি আই(GI TAG) প্ৰদানৰ ক্ষেত্ৰত ৰাজ্যৰ কেইবাগৰাকীও থলুৱা গহণা ব্যৱসায়ীয়ে দীৰ্ঘদিনৰে পৰা সংগ্ৰাম অব্যাহত ৰাখিছিল ৷ অৱশেষত তেওঁলোকৰ কঠোৰ সংগ্ৰামে ফল পালে ৷