অনন্ত আম্বানীক পাঁচ বছৰৰ বাবে ৰিলায়েন্স ইণ্ডাষ্ট্ৰিজৰ কাৰ্যবাহী সঞ্চালক হিচাপে নিযুক্তি

ৰিলায়েন্স ইণ্ডাষ্ট্ৰিজ লিমিটেডৰ (আৰআইএল) পৰিচালক মণ্ডলীয়ে শুকুৰবাৰে অনন্ত এম আম্বানীক ১মে, ২০২৫ তাৰিখৰ পৰা পাঁচ বছৰীয়া কাৰ্যকালৰ বাবে কোম্পানীটোৰ কাৰ্যবাহী সঞ্চালক হিচাপে নিযুক্তি দিয়ে। 

কোম্পানীৰ অংশীদাৰসকলৰ অনুমোদন সাপেক্ষে বৰ্তমান অ-কাৰ্যবাহী সঞ্চালক হিচাপে কাৰ্যনিৰ্বাহ কৰি থকা অনন্ত আম্বানীয়ে এতিয়া আৰ.আই.এল.-ত নেতৃত্ব দলৰ অংশ হিচাপে কাৰ্যবাহী দায়িত্ব গ্ৰহণ কৰিব।

অনন্ত আম্বানীয়ে পশু কল্যাণৰ প্ৰতিও অতি আবেগিক। বিপদজনক জীৱ-জন্তুৰ পুনৰ্বাসন আৰু পিছৰ বছৰবোৰত যত্ন আৰু মৰ্যাদা প্ৰদানৰ ওপৰত গুৰুত্ব আৰোপ কৰা কেইবাটাও পদক্ষেপৰ সৈতে জড়িত।

আম্বানী ভাই-ভনীসকলৰ ভিতৰত, অনন্ত আম্বানী হৈছে ৰিলায়েন্স উদ্যোগত কাৰ্যবাহী সঞ্চালক হিচাপে নিযুক্ত হোৱা প্ৰথম।

অনন্ত আম্বানীয়ে ২০২০ চনৰ মাৰ্চ মাহৰ পৰা জিঅ’ প্লেটফৰ্মছ, ২০২২ চনৰ মে’ মাহৰ পৰা ৰিলায়েঞ্চ ৰিটেইল ভেঞ্চাৰছ, ২০২১ চনৰ জুন মাহৰ পৰা ৰিলায়েঞ্চ নিউ এনাৰ্জি আৰু ৰিলায়েঞ্চ নিউ ছ’লাৰ এনাৰ্জীকে ধৰি কেইবাটাও ৰিলায়েঞ্চ গ্ৰুপ কোম্পানীৰ ব’ৰ্ডতো কাৰ্যনিৰ্বাহ কৰি আছে।

২০২২ চনৰ ছেপ্টেম্বৰৰ পৰা ৰিলায়েঞ্চ ফাউণ্ডেশ্যনৰ ব’ৰ্ডৰ সদস্য হিচাপেও কাম কৰি আহিছে। 

২০২২ চনৰ পৰা আকাশ আম্বানী ইতিমধ্যে ৰিলায়েন্সৰ টেলিকম গোট জিঅ' ইনফোকমৰ অধ্যক্ষ আছিল। অন্যহাতে, তেওঁৰ ভগ্নী ঈশা আম্বানী পিৰামলে ৰিলায়েন্সৰ খুচুৰা ব্যৱসায়ৰ নেতৃত্ব দি আহিছে।