ৰাহুল দ্ৰাবিড়ৰ পুত্ৰ সমিত দ্ৰাবিড় অষ্ট্ৰেলিয়াৰ বিৰুদ্ধে ভাৰতৰ অনুৰ্ধ-১৯ দলৰ বাবে নিৰ্বাচিত
ৰাহুল দ্ৰাবিড়ৰ পুত্ৰ সমিত দ্ৰাবিড়ে ঘৰুৱা ক্ৰিকেটৰ আকৰ্ষণীয় প্ৰদৰ্শনৰ ফলস্বৰূপে প্ৰথম বাৰৰ বাবে ভাৰত অনুৰ্ধ-১৯ বাছনি অৰ্জন কৰে।
ৰাহুল দ্ৰাবিড়ৰ পুত্ৰ সমিত দ্ৰাবিড়ে ঘৰুৱা ক্ৰিকেটৰ আকৰ্ষণীয় প্ৰদৰ্শনৰ ফলস্বৰূপে প্ৰথম বাৰৰ বাবে ভাৰত অনুৰ্ধ-১৯ বাছনি অৰ্জন কৰে।
ভাৰতৰ প্ৰাক্তন ষ্টাৰ ক্ৰিকেটাৰ তথা প্ৰশিক্ষক ৰাহুল দ্ৰাবিড়ৰ পুত্ৰ সমিত দ্ৰাবিড়ে অষ্ট্ৰেলিয়াৰ অনুৰ্ধ-১৯ ৰ বিৰুদ্ধে আগন্তুক মাল্টি-ফৰ্মেটৰ ঘৰুৱা শৃংখলাৰ বাবে ভাৰতৰ অনুৰ্ধ-১৯ দলত প্ৰথম বাচনি অৰ্জন কৰিছে। এই শৃংখলাটো ছেপ্টেম্বৰ আৰু অক্টোবৰ মাহত অনুষ্ঠিত হ'ব। শেহতীয়াকৈ মহাৰাজা কে এছ চি এ মহাৰাজা টি-২০ ট্ৰফীত ভাল প্ৰদৰ্শন দেখুৱাইছিল সমিতে।
ভাৰতীয় অনুৰ্ধ-১৯ দলটোৱে ২১, ২৩ আৰু ২৬ ছেপ্টেম্বৰত পুডুচেৰীত তিনিখন ৫০ অভাৰৰ খেলত অষ্ট্ৰেলিয়াৰ মুখামুখি হ'ব। ইয়াৰ পিছত ৩০ ছেপ্টেম্বৰ আৰু ৭ অক্টোবৰত হ'বলগীয়া চাৰিদিনীয়া দুখন খেলৰ বাবে চেন্নাইলৈ স্থানান্তৰিত হ'ব।
উত্তৰ প্ৰদেশৰ মহম্মদ আমানক ৫০ অভাৰৰ দলৰ অধিনায়ক হিচাপে নিযুক্তি দিয়া হৈছে। ইফালে, মধ্যপ্ৰদেশৰ সোহম পাটৱৰ্ধনে চাৰিদিনীয়া খেলত দলটোক নেতৃত্ব দিব।
What's Your Reaction?