যশস্বী সংগীত পৰিচালক ভূপেন উজীৰৰ দেহাৱসান
যশস্বী সংগীত পৰিচালক ভূপেন উজীৰৰ দেহাৱসান হোৱা আজি ৫ দিনেই অতিক্ৰম কৰিলে। তেখেতৰ মৃত্যুৱে অসমীয়া সংগীত জগতখনৰ লগতে সংগীত প্ৰেমী ৰাইজৰ মাজত গভীৰ চাপ পেলায় থৈ গ'ল ।
যশস্বী সংগীত পৰিচালক ভূপেন উজীৰৰ দেহাৱসান হোৱা আজি ৫ দিনেই অতিক্ৰম কৰিলে। তেখেতৰ মৃত্যুৱে অসমীয়া সংগীত জগতখনৰ লগতে সংগীত প্ৰেমী ৰাইজৰ মাজত গভীৰ চাপ পেলায় থৈ গ'ল । এইগৰাকী যশস্বী সংগীত পৰিচালক, বাদ্যযন্ত্রী, সুৰকাৰ, গীতিকাৰ, শব্দযন্ত্রী ভূপেন উজীৰে ৯ জানুৱাৰী ২০২৪ ত গুৱাহাটীৰ নেমকেয়াৰ হস্পিতালত ইহলীলা সম্বৰণ কৰে ।দীৰ্ঘদিন ধৰি তেখেত শ্বাস-প্ৰ্শ্বাস জনিত ৰোগত আক্ৰান্ত হৈ আচিল। ভূপেন উজীৰৰ মৃত্যুয়ে অসমীয়া সংগীত জগতৰ বাবে অপূৰণীয় ক্ষতি হৈ ৰব ।
তেখেতৰ জন্ম গৈছিল ১৯৫৩ চনৰ ৫ এপ্ৰিলত যোৰহাটত। তেওঁৰ পিতৃৰ নাম আছিল নৰেন উজীৰ আৰু মাতৃৰ নাম কমলা উজীৰ। বিশিষ্ট সংগীত শিল্পী ভূপেন উজীৰৰ প্ৰাথমিকৰ পৰা উচ্চতৰ মাধ্যমিকৰ শিক্ষা সম্পন্ন হয় যোৰহাটতে।
১৯৭৭ চনত তেওঁ গুৱাহাটী বিশ্ববিদ্যালয় স্নাতকোত্তৰ ছাত্ৰ সন্থাৰ সাংস্কৃতিক সম্পাদক হিচাপে নির্বাচিত হৈছিল । বহুসংখ্যক খ্যাতনামা ছবিত সংগীত পৰিচালনাৰ কাম কৰা উজীৰে ''ভাইব্রেচন'' নামেৰে এটা নিজৰ ব্ৰেণ্ড খুলি অসমীয়া সংগীতক অনন্য মাত্রা প্রদান কৰিছিল।
ভূপেন উজীৰে আন এগৰাকী প্রখ্যাত শিল্পী শান্তা উজীৰৰ সৈতে বিবাহপাশত আবদ্ধ হৈছিল। সংগীত ক্ষেত্ৰখনলৈ আগবঢ়োৱা অনবদ্য অৱদানৰ বাবে বিভিন্ন বঁটাৰেও তেওঁক সন্মানিত কৰা হৈছিল।
১৯৮২ চনত 'দেৱী' ছবিৰে তেওঁ সংগীত পৰিচালনাৰ জগতত ভৰি দিছিলি। একেদৰে ১৯৮৪ চনত তেওঁ 'জীৱন সুৰভি' নামৰ ছবিখনত সংগীত পৰিচালনা কৰিছিল, ১৯৮৫ চনত 'ব'হাগৰ দুপৰীয়া', 'পূজা', ১৯৮৭ চনত 'প্রতিদান', ১৯৮৮ চনত 'পিতা-পুত্র', ১৯৮৯ চনত 'ভাই ভাই', 'বৰদৈচিলা', ১৯৯০ চনত 'ধ্রুবতৰা', ১৯৯১ চনত 'যখিনী', ১৯৯৪ চনত 'অগ্নিগড়', ১৯৯৫ চনত 'পানী', 'উর্বশী, নিশাৰ অৰণ্য', ১৯৯৮ চনত 'যৌৱনে আমনি কৰে', ১৯৯৯ চনত 'বুকুৰ মাজত জ্বলে', ২০০১ চনত 'এই মৰম তোমাৰ বাবে', ২০০২ চনত 'যখম', 'মৰমী হ'বানে লগৰী', ২০০৩ চনত 'সত্যম শিৱম সুন্দৰম', ২০০৫ চনত 'অঘৰী আত্মা' আদি ছবিত সংগীত পৰিচালনা কৰি তেওঁ শ্রোতা-দর্শকৰ হৃদয়ত স্থান লাভ কৰিবলৈ সক্ষম হৈছিল।
What's Your Reaction?
