জেম্‌ছ ৱেব মহাকাশ দূৰবীনে উদঙাইছে অপূৰ্ব কসমিক আৱিষ্কাৰ

জেম্‌ছ ৱেব মহাকাশ দূৰবীনে (JWST) পুনৰ এবাৰ মহাকাশৰ প্ৰতি আমাৰ উপলব্ধিক বৈপ্লবিক ভাৱে পৰিবৰ্তন কৰিছে, এটা শৃংখলাবদ্ধ শ্ৰেষ্ঠ আৱিষ্কাৰৰ মাধ্যমেৰে। ২০২১ চনৰ ডিচেম্বৰ ২৫ তাৰিখে উৎক্ষেপণৰ পিছত, এই মহাকাশ দূৰবীনে  উচ্চ-ৰিজলিউশ্যন চিত্ৰ আৰু তথ্য প্ৰদান কৰি আছে, যিয়ে বিদ্যমান জ্যোতিৰ্বিজ্ঞানীয় তত্বসমূহৰ প্ৰতি প্ৰশ্ন উত্থাপন কৰিছে।  শেহতীয়াকৈ লাভ হোৱা তথ্যৰ ভিতৰত আছে এক আদি মহাবিশ্ব য'ত জটিল ছায়াপথ সমূহৰ উপস্থিতি লগতে এক্স'প্লেনেটৰ বায়ুমণ্ডলৰ আটাইতকৈ বিশদ অধ্যয়ন আৰু ডাৰ্ক মেটাৰৰ গৱেষণাত সম্ভাব্য অভূতপূৰ্ব উন্মোচন। এই ছায়াপথসমূহে কসম'লজিকেল মডেলক প্ৰত্যাহ্বান জনাইছে ।

এটা শেহতীয়া সমীক্ষাত, JWST এ বিগ বেংৰ কেৱল ২৫০ মিলিয়ন বছৰৰ পিছত গঠিত ছায়াপথসমূহ চিনাক্ত কৰিছে, যি পূৰ্বে সম্ভাৱনাৰ বাহিৰত আছিল। এই ছবিসমূহে সুগঠিত ছায়াপথ প্ৰদৰ্শন কৰিছে যাৰ পৰিপক্ক বৈশিষ্ট্য আছে, যিয়ে আগতে বিশ্বাস কৰা তত্বসমূহৰ ওপৰত প্ৰশ্ন উত্থাপন কৰিছে। এই আৱিষ্কাৰে মহাকাশ বিজ্ঞানীসকলক বাধ্য কৰিছে নতুনকৈ চিন্তা কৰিবলৈ ।

JWST ৰ ইনফ্ৰাৰেড ক্ষমতাই বিজ্ঞানীকসকলক এক্স'প্লেনেট বায়ুমণ্ডলৰ আটাইতকৈ বিস্তৃত অধ্যয়ন কৰিবলৈ সক্ষম কৰিছে। গৱেষণাৰ লক্ষ্য আছিল WASP-39b, যি পৃথিবীৰ পৰা ৭০০ আলোকবৰ্ষ দূৰত অৱস্থিত এক গৰম গেছৰে পৰিপূৰ্ণ গ্ৰহ । JWST য়ে কাৰ্বন ডাইঅক্সাইড, পানী বাষ্প, আৰু ছালফাৰ ডাইঅক্সাইডৰ উপস্থিতি চিনাক্ত কৰিছে, যিয়ে সূৰ্যৰ আলোকৰ সৈতে এক বিশেষ ৰাসায়নিক প্ৰতিক্ৰিয়াৰ সৃষ্টি কৰে। এই ফলাফলসমূহ আমাক বুজিবলৈ সাহায় কৰে যে ব্ৰহ্মাণ্ডৰ কোনো এক্স'প্লেনেট (সৌৰজগতৰ বাহিৰৰ গ্ৰহ ) আমাৰ পৃথিৱী বাসীৰ বাবে বাসযোগ্য হ’ব পাৰে নেকি !

 ইউৰোপীয় মহাকাশ সংস্থাৰ গ্ৰহ বিজ্ঞানী ড॰ ৰেমণ্ড চোৱে কয় যে "ডাৰ্ক মেটাৰ প্রকৃতিৰ নতুন সংকেত । JWST ৰ গভীৰ পৰ্যবেক্ষণৰ জৰিয়তে বিজ্ঞানীসকলে ধৰা পেলাইছে কিছুমান গম্ভীৰ মহাকর্ষীয় বিকৃতি, যিয়ে ডাৰ্ক মেটাৰৰ গঠন আৰু বিতৰণৰ সম্পৰ্কত নতুন তথ্য প্ৰদান কৰিব পাৰে।

এমআইটি ৰ তাত্ত্বিক পদাৰ্থবিজ্ঞানী ড॰ লিন ৱেইয়ে কয় যে “এইটো হৈছে ডাৰ্ক মেটাৰৰ বিভিন্ন দিশৰ পৰীক্ষা কৰাৰ আটাইতকৈ ওচৰতম সুযোগ। আমি হয়তো আধুনিক পদাৰ্থবিজ্ঞানৰ আটাইতকৈ ডাঙৰ ৰহস্যসমূহৰ নতুন দিশ উন্মোচন কৰাৰ ওচৰত আহি পৰিছোঁ।” 

JWST ৰ অভিযান চলি থকাৰ এই সময়ছোৱাত, জ্যোতিৰ্বিজ্ঞানীসকলে আশা কৰিছে যে বহু নতুন আৰু বিপ্লৱী আৱিষ্কাৰ অহা বছৰত প্ৰকাশ পাব। প্ৰথম নক্ষত্রৰ জন্ম ৰহস্য উন্মোচন কৰাৰ পৰা লৈ বাসযোগ্য পৰিৱেশ থকা গ্ৰহ চিনাক্ত কৰা পৰ্যন্ত, এই দূৰবীনটোৱে মানব জাতিৰ নতুন চিন্তা আৰু জ্ঞানৰ পৰিসৰ বৃদ্ধিত সহায় কৰিব। প্ৰতিটো নতুন আৱিষ্কাৰে JWST ক বৰ্তমান সময়ৰ ইতিহাসৰ আটাইতকৈ গুৰুত্বপূৰ্ণ বৈজ্ঞানিক সঁজুলি হিচাপে পৰিচিত কৰিছে।